தமிழக வனத்துறையில் காலியாக உள்ள, வனச்சரகர் மற்றும் வனவர் பணியிடங்களை நிரப்ப, ஆன்லைன் முறையில் தேர்வு நடத்தப்பட உள்ளது. வனத்துறையில் காலியாக உள்ள, வனச்சரகர், வனவர், வனக்காவலர் பணியிடங்களை நிரப்ப, தமிழ்நாடு வனத்துறை சீருடை பணியாளர் தேர்வு குழுமம் தான் தேர்வு நடத்தும். தற்போது, வனத்துறையில் அதிக பணியிடங்கள் காலியாக உள்ளதால், அவற்றை நிரப்ப நடவடிக்கை எடுக்கும்படி, அரசு உத்தரவிட்டுள்ளது.
இருப்பினும், எழுத்து தேர்வு நடத்துவதில், காலதாமதம் உள்ளிட்ட பல்வேறு சிக்கல்கள் உள்ளதால், ஆன்லைன் முறையில் தேர்வு நடத்த, வனத்துறை சீருடை பணியாளர் தேர்வு குழுமம் திட்டமிட்டுள்ளது. இதற்கான பொறுப்பு, தமிழ்நாடு மின் ஆளுமை முகமையிடம் அளிக்கப்பட்டுள்ளது. இந்த முகமை, ஆன்லைன் முறையில் தேர்வு கட்டமைப்பை ஏற்படுத்தும், நிறுவனங்களை தேர்வு செய்வதற்கான டெண்டரை வெளியிட்டுள்ளது. இதில், விண்ணப்பிக்கும் நிறுவனங்களில், தகுதியான ஒன்று, வரும், 13ல் தேர்வு செய்யப்பட உள்ளது.
No comments:
Post a Comment